Enpresa

NOR GAREN

Gorka Lomeña eraikuntza ekoarduratsuko familia-enpresa bat da.

Etxebizitzak, merkataritzako lokalak eta bulegoak osorik berritzeko zerbitzua emateko sortu zen.

17 urtez kalitatezko lanak egiteagatik, Gorka Lomeña erreferentziazko izena da sektorean gaur egun.

Entzuten eta ulertzen jakitea, azkartasuna eta egiten dakigun guztia martxan jartzeko gaitasuna funtsezkoak dira gure talde komertzial eta teknikoak fidagarriak eta erabat konprometituak izan daitezen.

Bezeroarekin dugun konpromisoak eta erantzukizunak etxe-berrikuntzarako bikaintasuna eskaintzera behartzen gaitu.

Gure taldearentzat, lanaren kalitatea, iraunkortasuna eta diseinua dira garrantzitsuena. GLk errendimendu handiko teknikak eta teknika ekoberritzaileak erabiltzea hobesten du.

ZURE AURREKONTUA

Gurekin harremanetan jartzen bazara, teknikari bat jarriko dizugu eskura zure proiektua azter dezan.

Pertsonalki aholkatuko zaitugu aukerarik onena eskaintzeko, eta egin beharreko lanen aurrekontua prestatuko dizugu.

Badakigu inbertsio handia eskatzen duten proiektuak direla; horregatik, garrantzitsua da esperientzia handiko enpresa fidagarri bat izatea eskura.

Eskaintza egokia iruditzen zaizunean, xeheago azalduko dizkizugu hornidurei buruzkoak, eta elkarrekin aukeratuko ditugu material eta akabera guztiak, lankidetzan aritzen garen eraikuntza-biltegietan.

Dena definituta eta aukeratuta dagoenean hasiko da obra.

OBRAN

Teknikaria zure solaskide nagusia izango da, eta zure esanetara egongo da eskatzen duzunean. Astean behin egingo duzue bilera, eta uneoro izango duzu haren berri.

Obraburua zure etxetik pasatuko da egunero, eta lanak antolatzeaz arduratuko da gure igeltseroekin eta gurekin batera diharduten kanpoko gremioekin.

Gorka Lomeña marka bakar bihurtzen duena ez da obren akabera bakarrik, bezeroekiko harreman esklusiboa baizik.

ZER LAN EGITEN DITUGUN

Etxebizitzen erreforma integralak egiten ditugu, eta gure ekipoak igeltserotza-lanaz arduratzen dira. Obretan parte hartzen duten beste gremioak gure konfiantzako azpikontratak dira, eta haiekin lan egiten dugu egunero.

Obra berrietan hormigoizko egiturak, eta igeltserotzako eta estalkiak konpontzeko lanak egiten ditugu.

Pertsonei estuki lotutako espazioak sortzen ditugu diseinu onaren bidez, betiere errespetuz eta diziplinaz, eta inspirazioa eta funtzionaltasuna batuz.

Gorka Lomeñan ,“Bakarrak ez garenez, onenak izatea erabaki dugu” lemapean lan egiten dugu. Horregatik, etengabeko hobekuntza eta gure akaberetako kalitatea dira gure zutaberik garrantzizkoenak.

Garrantzitsua da, halaber, gure obrak egoki erabiltzea, egindako inbertsioa errentagarria eta ekonomikoki egokia izan dadin.

Beti amestu duzun erreforma lortu nahi baduzu, zatoz gu ezagutzera.

Erabateko kalitatearen bermea gara. 

ZER LAN EZ DITUGUN EGITEN

Tamalez, ez dugu obra txikirik egiten. Asko kostatu zaigu erabaki hori hartzea. Bainugela bat berritzeko lana kudeatzeak edo igeltserotzako konponketa txiki batzuk egiteak gure obretako xehetasunetarako hain baliotsua den denbora kentzen digu.  

FILOSOFIA

Xedea

Erreforma integraleko Iparraldeko enpresa onenetako bat izatea da gure helburua. Oso gertu gaude!

Ikuspegia

Zure proiektua martxan jartzeko asmoa duzunean, hau esatea nahi dugu:

"GLk egitea nahi dut!!! Balio segurua da."

Balioak

Planetarekiko eta pertsonekiko errespetuan pentsatzen ari gara.

Industria arduratsu, berritzaile eta iraunkor batean lidergoa lortu nahi dugu.

Berrikuntzak egiten ditugu behar berrietara egokitzeko eta unean uneko erronkei erantzuteko.

Noblezia, konfiantza eta zintzotasuna gure bezero eta laguntzaileekin.

Gure lanerako grina.

Erabiltzen ditugun materialen eta sistemen kalitatea.

Gure konpromisoak eta erantzukizunak zure etxerako bikaintasuna eskaintzera behartzen gaitu.